Adolf-Hitler.
{[/code] [code]}
تاريخ الميلاد : 14/11/1989
تاريخ التسجيل : 29/06/2010
العمر : 34
الموقع : منتديات النجف الاشرف ترحب بكم
 |  موضوع: ابو ذيات جميلة لشاعر الرائع ابو زهراء المحمداوي  الثلاثاء يوليو 20, 2010 4:36 pm | |
| بيت الله نولد حيدر علينا
شبيه البدر نوره وهل علينا
فوك العالي بحبه علينا
شيعه ونفتخر بسم الزجيه
ــــــــــــــــــــــــــــــــــــــــــــــــــ ــــــ يبو الحسنين يا فارس بدرها يامن بالظلام انته بدرها
رضعنا ويا اللبن حبكم بدرها
ممزوج بمحبت ابن الزجية
ــــــــــــــــــــــــــــــــــــــــــــــــــ ـــــــــــ
عدوك يشهد بفضلك وعدلك
مناقب شرد اوصفلك وعدلك
وصي للمصطفى الخاتم وعدلك
كتاب الباري يا حامي الحميه
ــــــــــــــــــــــــــــــــــــــــــــــــــ ـــــــــ
اظهر احيي شرع الله ودينه
وكص راس الغصب حقكم ودينه
نموت ونحييا بحبكم ودينه
وشفاعت امكم الزهره الزجيه
****************
هلى بيام فضل الله وشعبان
سطع نور الولي بيهن وشعبان
المصايب بالكلب سعرن وشعبان
عكل كل شيعي يبن الفاطميه
******************
وحق من ونت بطفها وناحت
سفينة حسين أبو أليمه وناحت
كتبت العتره بكلبي وناحت
خمس أسماء سادات البرية
*****************
دمع الحزن دمعي عليك منصب
يا من الك فوك الشرف منصب
صاب الدين سهم الغدر منصاب
كلبك يا شبل حامي الحميه
هد دمك عرش فرعون ونهار
ليل الظلم وسمك شمس ونهار
جداول للشرف يا حسين ونهار
ومنبع للكرامة الهاشمية
********************
تعرف محبتك يبني وداري
اربي سنين يوليدي وداري
حزينة الروح من بعدك وداري
خليه ومظلمة بعد عليه
*************
أنذبحت بسهم عدوانك ونا راك
نار حسين بضلوعي وناراك
بان الشيب من بعدك ونا رك
حيلي وريت موتي يمر عليه
@@@@@@@@@@@
بروحي أكماط أكمطنك وحلاك
يعبد الله الاسم لايك وحلاك
أصد يوليدي لقرانك وحلك
أشوف السهم يوم الغاضريه
@@@@@@@@@@@
حجر يا لطاغي أكليبك ولك صد
ما حن على الطفل لمن ولك صد
بسهم ملعون من كدر ولك صاد
طيري وروحي ماتن بين أديه
@@@@@@@@@@@@@
نار بروحي ما يحصل طفلها
وحق البلسبي رسمت طفلها
أنا الوالدة الفكدت طفلها
ردتله الماي رد مذبوح أليه
********************
بيدك رايتك ونته كفولها
كف انذرت للقربه وكفلها
اخبره على الذي بزوده كفلها
بهضم راحت يبو الغيره سبيه
عليه الحزن ما أبطله وكفه
اخوي البلحرب وفى وكفه
نذر للدين ضي عينهوكفه
وكف جن طوط يوم الغاضريه
********************
العقيلة بزودهوالغيرة كفلها
بيده رايته وهوة كفلها
قدم عينه وقدم كفلها
طاحن رايتهوجفه سويه
******************
اجري الدمع لمصابه وهمله
وحزني عليه ماتركه وهمله
هم السبي بدلالي وهمله
وهم حسين يومالغاضريه
******************
الفرح بعدك يا بو ألغيره حرمنا
لئن الدهر منعندك حرمنا
تصيح باسمك وتندب حرمنا
يا بو ألغيره الوفي يا بو الحميه
*********************
العاشر ما نسى كلبي وظهره
وعليك أعلن حزن دائموظهره
أنصاب حسين بمصابك وظهره
انكسر من شاهد جفوفكرميه
**********************
سليلت فاطمة الزهرة وسرها
فرح للشيعه ميلادج وسرها
سبيها جروح ما تبرى وسرها
جزء من كربلاء وذيج الرزية
*********************
نحبها فاطمة نودها نجلها
خلاص الشيعه بالمحشر نجلها
بحزن نذكره ونذكر نجلها
ابو الاحرار يوم الغاضريه
*****************
ما ننسى مصيبتكم وهمها
المصيبه الكبرء الزينب وهي أمها
السيوف انسلت عليكم وهمها
تطفي النور عن هاي البرية
*********************
وحك البيت وهل البيت والحي
وحك الكصد للمعمور والحي
الميت بالحساب هناك والحي
نسى احساب الكبر ناسي المنيه
******************
اجروحك علن العندي وبنها
ويكلبي الصبر قلعه اسس وبنها
الموت يحول بين الأم وبنها
اريده يزورني ويستر عليه
ــــــــــــــــــــــــــــــــــــــــــــــــــ ـــــــــــ
مرض حب الوطن روحي وسلها
مرض هجرك سكم روحي ==
ودهري سيوفه حداها وسلها
الدار أنشدها عن حالي وسلها
تفسرلك سبب حزني العليه
********************
يمن بعدك ذبل غصنه وردنا
مشيت ولا خبر منك وردنا
تمنينا الوكت ينصف وردنا
نعيش العمر ما نبعد سويه
*****************
يدهري ليش بالطيبين ياريت
عفتهم والعدو بعداه ياريت
اظل اعتب وكولن ريت ياريت
بلكت يوم مرة تحن عليه
*******************
الليالي بضيمهن هدن وشرهن
ودهري اجفوني عصراهن وشرهن
بركبتي سيوفه حداهن وشرهن
وذبحني بعيد ونكلبت عزيه
******************
بهمك ربعك اشركهم وشرهم
تميز اطباعهم تعرف وشرهم
العواذل لاتفييهم وشرهم
بشمس تموز خلهم بالثنيه
*******************
طحنا بناس ماتعرف وشرنا
وعصرنا الدهر بآهاته وشرنا
بيدك بيعنا بكيفك وشرنا
ملك بيدك ترحنا وهاي هيه
*****************
عنان الصبر لجروحي لعنهن
وعبر لجم ما اسمع لعنهن
اتاني ايامكم طلعن لعنهن
مثل سنين يوسف كصن بيه
****************
دوى ماصح ترى الكلبي لعله
لجن ما دنك براسي لعله
متاني العمر كضيته لعله
بلكي الدهر مره يحن عليه
ترى الصعبات ذللي وسهلن
جبل ما دنك الوادي وسهلن
اصيحن حيهم وأهلا وسهلاً
هلى بخطارنا المجبل عليه
كلبي لا تظن فديوم ملاك
مثل فلاح ونته علي ملاك
بس سنك عجب شو حيل ملاك
لحم كلبي وتكطع اجفوف اديه
هسى بساع اريدنك وحالن
اسف اليام منعني وحالن
احبال بجفي اكطعهن وحلن
الجنب لويشدونه بديه
مسائل للحزن اشرح وحلن
هضم وآهات ضافني وحلن
اكطع احبال من اجلك وحلن
سلاسل لون خلو كيد بيه
مسائل للحزن اشرح وحليت
افرح لو تطب داري وحليت
كيدني الزمن تدري وحليت
حبل غدره وكطعته بهاي اديه
اسف دمعاتي مامره وحلك
اعكدك وبتلي بفلك وحلك
تعال انسولف بحلي وحلك
ارضى شما تريد افرض عليه
********************
ذيب العاذل لروحي وهشات
ما يندل خرف حضي وهشات
عليه اهل السلف هدت وهشت
جلاب وربعي تتفرج عليه
*****************
مسودن عكلي عافاني وشتلك
خصن بالروح ازرعنك وشتلك
الوشولي عليك صدكني وشتلك
الحجولك زور هم نقلو اليه
*****************
رد على الشاعر عطا السعيدي
يقول ما مضمونه هم شفت طول العمر ارنب اريوكه لحم
ارنب ريوكه لحم والسبع صام ومسك
والما يعرف الحجي بزمام امري مسك
عطاب تعول علي ويكلي شمه مسك
تخلبص عليك الغزل من حيث ساسك خطا
وما توصل المكصدك مهما تجد با الخطا
وسهم الرميته جزى ما صاب هدفه خطا
ومنك اريد العذر خاف الحجي مسك
************************
ارنب ارويكه لحم والسبع اجله يزر
والصدك هذا الوكت يا صاح مد ويزر
مشلول شال الحمل وعمى بجروحي يزر
وطرش يقيم الحجي وخرس عليه حكم
ويا سامعي لا تشك مجنون كلي حكم
مغلوب لن الخصم هوه العليه حكم
ما اضن خصمي نصف مبخوت عده جزر
***************************
الضاهر عدوك سهل والمخفي اصعب واشر
وطبعك طبع يختلف منين الك هل وشر
ابلل كضيت العمر اعصر ونشف واشر
انتظر شمسك تطل ثاريها ليل وبرد
وسفيك مصدي طلع يحتاج حد وبرد
يوميه اون وشتكي وبعث رسايل بريد
والزمن بصبع غدر عمدن عليه اشر
**************************
بير الوفى صرت أنا بس أخذ مني ورد
وبستاني خضر زها شتلات بسمك ورد
مستعد أكصد مشي وزحوف اروحن ورد
بس كون شوكف حلم راودني ليل أنهار
والدمع بعدك جرى سيل على خدي انهار
مسلول جسمي ركد والحيل كله انهار
لكني أصح ونتعش كونه سلامك ورد الشاعر ابو زهراء المحمداوي  { | Adolf-Hitler ; توقيع العضو | |
} |
|
